ما هو اللينكس

مقدمة

نجد كثير من الحوارات عن الهاكرز والهاكنج 

وتجد دائما هذا الحديث مربوط ب نظام لينكس

لمعرفة ما هو الهكر انصحك بقرائة هذا المقال

ما هو الهكر

ولاكن ما هو اللينكس الذى يتحدث عنه بعض الناس؟

وما هو الكالى لينكس

والباك تراك

وباروت

وديبيان 

واوبنتو

وجميع هذه اﻻسامى تبدوا غريبة بالنسبة للبعض

سوف تتعرفون على جميع هذه اﻻسماء من هذا المقال

ارغب منكم قرائة المقال للنهاية حتى ولو توقفتم عند نقطة لم تفهموها اكملوا القرائة و بالنهاية 

الاشياء التى لم تفهمومها يمكنكم وضعها بالتعليقات

ما هو اللينكس

 دعونا نفهم اولا ما هو اللينكس

اللينكس هوا نواة نظام التشغل

ونظام تشغيل يعنى مثل الويندوز

الويندوز هوا نظام تشغيل الكمبيوتر 

او اﻻندرويد

الاندرويد هو نظام تشغيل للهواتف 

اذاً اللينكس عباره عن نواة فقط 

ولاكن بعد اضافة ادوات gnu

يصبح نظام تشغيل

بكل بساطة

ادوات جنو + نواة لينكس = نظام تشغيل

ويصبح اسمه 

نظام جنو/لينكس

ولاكن البعض يختصرها ويقول لينكس فقط
حتى انا عندما اتحدث عن النظام لا اقول جنو/لينكس
بل اقول لينكس

كدا فهمنا معنى كلمة لينكس 

ولاكن لحظة ما هيا ادوات جنو هيا مثل :

ln
chown
rm
ويوجد الكثير ايضا
ولاكن باختصار
هيا اﻻوامر اﻻساسية التى تستعمل فى انظمة لينكس
من لم يفهم هذه النقطة يمكنه ان يتخطاها عادى جدا 

تمام اﻻن فهمنا ماذا يعنى لينكس وماذا تعنى جنو 

اﻻن ننتقل ل شئ اخر وما هى توزيعة اللينكس

ما هى توزيعة اللينكس

التوزيعة هيا اى نظام مبنى على لينكس
بمعنى 
سنأخذ على سبيل المثال توزيعة اوبنتو المبنيه على
ديبيان .. ديبيان هو نظام مبنى على لينكس 
 يعنى ممكن نقول زي الهرم
رأس الهرم دائما هوا لينكس
تحته يكون اسم النظام مثلا ديبيان
تحته يكون التوزيعة

النظام بيكون حاجه خفيفه 
بمعنى مفهوش ادوات او اشياء تساعد المستخدم كتير او تساعد المستخدم المبتداء بيبقي النظام حاجه كلاسيكيه كدا
لاكن التوزيعة
بتاخد النظام بتضيف عليه برامج وصور وثيمات واى شئ من عند المبرمجين

النظام بيكون مبنى من الصفر على اللينكس

لاكن التوزيعة بتكون اسهل يعنى حتى انا هحاول اعمل سلسلة لبناء توزيعة معاكم 
لأن التوزيعة هوا واخد النظام على الجاهز 
بمعنى مش هيحتاج يلعب ف البرمجيات
ممكن يضيف ادوات وينتج التوزيعة عادى
طب سؤال اخر هل ممكن بناء توزيعة على توزيعة ؟

ايوة ممكن عادى مفيش اى مشاكل 

هوا اصلا كلمة توزيعة ونظام 
مسميات بين المبرمجين 
لكى يفرقوا بين النظام المبنى من الصفر
والنظام المبنى على نظام اخر
النظام المبنى من الصفر يسمى نظام
ولاكن النظام الذى مبنى على نظام اخر يسمى توزيعة
 
 وايضا ارغب بوضع لكم مثال على توزيعة مشهوره مبنيه على توزيعة مشهوره اخرى

توزيعة مينت

وهيا  توزيعة مبنية على توزيعة اوبنتو
وتوزيعة اوبنتو مبنيه على ديبيان 
وديبيان مبنى على لينكس 
زى ما قولت لكم 
هرم

 \  ديبيان  /

\\   اوبنتو    //

\\\\     مينت      ////

اتمنى اكون وضحتلكم النقطة دى وهيا ان ممكن توزيعة تتبنى على توزيعة اخرى عادى جدا
طبعا عشان محدش يفهم غلط
نظام ديبيان ليس النظام الوحيد المبنى على لينكس 
يوجد انظمة اخرى مثل ارتش وسلاكوير واكثر واكثر
اﻻن فهمنا معنى النظام والتوزيعة
ننتقل لنقطة اخرى وهيا 

ما هو الفرق بين توزيعات لينكس واﻻنظمة المختلفه؟

هذا السؤال مثل سؤال 
ما هو الفرق بين جميع الهواتف 
او الفرق بين السيارات
بمعنى انه كل شخص يختار المناسب له 
فى الهواتف مثلا يوجد بعض اﻻشخاص يفضلون الكاميرا اهم شئ 
ثم البطارية 
يوجد اشخاص اخرون يفضلون اﻻداء ثم البطارية
يوجد اشخاص اخرون يفضلون شكل الهاتف 
وايضا السيارات 
يوجد اشخاص يفضلون سيارة اوتوماتيك ثم اللون ثم حجمها 
اشخاص اخرون يفضلون السيارة العاديه ثم شكلها

ولاكن لنكن واقعين فى الهواتف وفى السيارات 
العامل اﻻساسى الذى يحدد ماذا سوف اختار هوا
المال
بمعنى انا شخص مثلا ارغب بسيارة اوتوماتيك ولاكن انا ليس لدى المال الكافى لشرائها فطبيعى اننى لن اشتريها
لاكن فى الانظمة ف لينكس حر ومجانى
نظام حر بمعنى انه جميع ملفات النظام مسموح لك بقرائتها والتعديل عليها كما تشاء
ليست مثل الويندوز الذى توجد به ملفات لا تستطيع قرائة ما بداخلها 
وايضاً نظام لينكس مجانى عكس الويندوز 
يعنى الويندوز غير مفتوح المصدر وغير مجانى
اذا انا سأختار النظام او التوزيعة التى سوف استعملها بنائاً على حاجتى 
لنترك المصطلحات جانباً لانى سأتحدث عن التوزيعة او النظام بـ كلمة نظام تلقائياً فى هذه الجزئية  ..
 توجد انظمة تتميز بخفتها
توجد انظمة اخرى تتميز بالدعم
توجد انظمة اخرى تتميز ب انها تحتوى على اﻻدوات التى ارغب بها 
توجد انظمة تتميز بمظهرها اﻻكثر من رائع
توجد انظمة تتميز بمستودعات قوية تغنينى عن البحث عن اﻻدوات وتحميلها بالطريقة التقليدية
ولاكن لنقف هنا

ما هي مستودعات لينكس

مستودع اللينكس 
لكى اشرح لكم ما هو مستودع لينكس يجب ان اشرح كيفية تحميل البرامج على اللينكس

على سبيل المثال استعمل نظام ديبيان وارغب بتحميل متصفح firefox
كل ما سوف افعله افتح ال
terminal 
والتيرمينال هوا مثل cmd الذى بداخل الويندوز
وال cmd هو موجه اﻻوامر
عموما التيرمنال هوا النافذة التى نكتب بداخلها اوامر للنظام
انا ارغب بتحميل فايرفوكس كل ما سوف افعله اكتب
apt-get install firefox

ويتم التحميل والتثبيت تلقائياً بدون تدخل منى كل ما افعله بعد كدا هذا السطر سوف يسألنى هل انا متأكد بأننى ارغب بتحميل فايرفوكس اكتب حرف y وانتر
وتلقائى يتم التحميل والتثبيت
ولاكن كيف يحدث هذا
apt 
هيا اداة تقوم بادارة الحزم 
بمعنى من خلالها بيتم التثبيت وازالة تثبيت الادوات او البرامج
عندما كتبت 
apt-get install firefox
قام بالذهاب الى المستودع 
والمستودع دا موجود على اﻻنترنت وبحث عن 
firefox مجرد ما وجد ان البرنامج او عشان نبقى ماشين صح ف لينكس بتتسمى حزمة مش برامج راح مأكد عليا قالى لقيتلك فالمستودع حاجه اسمها فايرفوكس انت متاكد انك عاوز تثبتها ف بكتب y وبضغط انتر فبيتم التثبيت

 هل يمكن تعديل مستودعات لينكس ؟

نعم يمكن ولاكن كل نظام يختلف عن اﻻخر مثلا فى ديبيان والتوزيعات الديبيانيه "توزيعة ديبيانيه بمعنى مبنية على نظام ديبيان"
يكون تعديل المستودعات بالتعديل على ملف
etc/apt/sources.list/

 ولاكن بالتأكيد خطوة زى دى تحتاج صلاحية الروت

واﻻن نقطة اخرى

 ما هو الروت

احتمال كبير انك سمعت كلمة الروت دى عن الاندرويد تلاقى شخص بيقول " انا محتاج اعمل روت عشان اهكر وايفاى" 
والروت الخاص بالاندرويد هو هو نفس الروت ال هنكلم عنه
لان اساسا اﻻندرويد هو نظام مبنى على نواة لينكس

فى انظمة التشغل يكون فى مستخدم ممكن نسمية مدير
ومستخدم عادى
المستخدم العادى صلاحياته محدوده
مثلا غير مسموح له مسح او تعديل شئ بملفات النظام
لاكن المدير دا يقدر يمسح النظام كله عادى برحته مفيش حاجه هتعترضوا لان هوا دا المدير اصلا 
ف عشان تكون وصلت لكم بصورة ابسط
المدير مسموح له يفعل اى شئ ب النظام حتى ممكن ان يحذف ملفات مهمة من النظام
لاكن المستخدم العادى لا يستطيع لانه ليس لديه صلاحيات
فى اللينكس المدير يسمى root 
وفى الويندوز ملوش اسم بيكون مكتوب administrator عادى

حتى لو حد بيستعمل ويندوز وضغط كلك يمين على برنامج هتلاقى مكتوب كلمة
 run as administrator
 يعنى تفتح كـ مدير النظام

وايضا فى بعض اﻻحيان عند تشغيل بعض البرامج تظهر نافذة مكتوب بداخلها كلام وكلمة 
yes و no 

طبعا حضرتك عشان تفتح البرنامج بتضغط على كلمة 
yes

ولاكن ضغطك على yes دا معناه انك لو فاتح فايروس بيمسح ملف مهم فى الجهاز ف هيمسحوا ب كل سهوله 
ف لازم تبقى واخد بالك انت بتسمح ل اى بالظبط ب انو يتفتح ب صلاحية كبيرة زى دى
للعلم عند استخدام صلاحية الروت فى الترمنال بيكون مكتوب بعد اسم المستخدم رمز # 
لهذا لوجو المدونة هو 
#0
بمعنى 
root zero 😊
ممتاز جدا كدا فهمنا اكثر من حاجه

اختيار التوزيعه المناسبه

ف عموما اختيارك لنظام اللينكس ال هتستعملوا 
بيقع على يدك انت 
انت قبل ما تختار حاجه طبيعى هتبحث عنها تشوف بتحتوى على اى وتشوف دعمها عامل ازاى
دعم النظام يعنى التحديثات وسد الثغرات عند ملاحظة اى ثغرة بالنظام وكل الحجات دى
انت بتبحث ف البداية والمناسب ليك انت بتختارة
لاكن متحطش ف دماغك ان فى نظام احسن من نظام
غلط .. كل واحد بيختار النظام المناسب ل استخدامه ول امكانيات جهازوا.
ولهذا تختلف الانظمة من نظام ل اخر
من ناحية اﻻدوات واداة تحميل البرامج والمستودعات وواجهات التشغيل والخ الخ
نقطة اخرى

ما هى واجهة التشغيل

فى اللينكس واجهة المستخدم الرسومية ليس مثل الويندوز يمكن تغيرها بتحميل ثيمات
لا.. فى اللينكس واجهة التشغيل اجمل 
لانه توجد اكثر من واجهة يمكنك تثبيتها وكل واجهة تختلف عن اﻻخرى 
ويمكنك تحميل ثيم للواجهة
لن تفهم ما اعنى اﻻ اذا بحثت عن الواجهة 
هذه اسماء بعض الواجهات :

Kde

Gnome

Xfce4

Deepin

Cinnamon

Mate

Lxde

وفى تانى كتير ولاكن اكيد مش هينفع اذكرهم كلهم فى المقال انا حاطت اشهرهم
كل ال عليك هتاخد اسم الواجهة وتكتب جنبها 

Linux

وتبحث في جوجل .. على سبيل المثال

Xfce4 Linux

وشاهد صور كل واجهة . 

اﻻن دعونا ننتقل لشئ اخر

 ما هو الباك تراك و الكالى لينكس

الباك تراك هو

توزيعة اختبار اختراق بمعنى
ان هذه التوزيعة تحتوى على ادوات تساعد الهاكر فى عملية اختبار اﻻختراق 
طيب توزيعة الباك تراك مبنيه على نظام اى ؟
ف الحقيقة باك تراك كان مبني علي توزيعة
سلاكس
وتوزيعة سلاكس مبنية على نظام سلاكوير 
لحد اﻻصدار الرابع 
بمعنى انه اخر اصدار مبني على سلاكس هو باك تراك اﻻصدار الثالث 
بدايةً من الاصدار الرابع 
اتبنى الباك تراك على توزيعة اوبنتو
 اخر اصدار من الباك تراك هوا اﻻصدار الخامس
وقامت شركة offensive (الشركة المبرمجه للنظام)
ببرمجة توزيعة جديدة وهيا
كالى لينكس
ولاكن لم تبنية على توزيعة اخرى..
قامت ببنائة على نظام ديبيان مباشرتاً 
بمعنى انها تركت الباك تراك قامت ببناء التوزيعة من البداية حتى النهاية على نظام ديبيان
طبعا محدش يفكر يحمل توزيعة باك تراك لأن دعمها منتهى لو عندك فضول بس انك تجربها
استخدمها ولاكن بدون اتصال بالانترنت لان ممكن يكون فيها ثغره تبقى سبب فى اختراقك
عموما ملوش داعى انك تحملها عشان تجربها هيا توزيعة قديمة وانتهت
وعندكم توزيعة باروت 
ولاكن هذه التوزيعة ليس لها علاقة ب الكالى لينكس او الباك تراك
ولاكنها توزيعة اختبار اختراق ايضا
ومبنية على ديبيان
اتمنى ان تكون المقاله دى فهمتكم معنى لينكس و توزيعة

افضل طريقة لتعليم لينكس اون لاين

ف الحقيقة تعليم لينكس له اكثر من كورس
لدرجة انك ممكن ك شخص راغب ف التعلم تحس بملل ويأس من كتر الدورات ال هتسمع عنها

ولاكن الطريقة دى انا شايف انها افضل طريقة لتعليم لينكس

وهيا اول حاجه هتبحث عن التوزيعه ال تناسبك من ناحية استخدامك انت 
ابحث عن اشهر التوزيعات وشوف كل توزيعه واتفرج على مقاطع للتوزيعه طبعا مش عاوز حد يروح يثبت كالى لينكس او باك بوكس او باروت او اى توزيعه من التوزيعات ال فيها ادوات 
لان التوزيعات دى مش مخصصه للتثبيت ك نظام اساسى..
المهم انك تثبت توزيعة لينكس مكتبيه يعنى تشتغل ك نظام اساسى عادى حتى لو جهازك ضعيف توجد توزيعات لينكس تعمل على اﻻجهزة الضعيفه واسرع من الويندوز ف انت جهازك لو ضعيف يبقى يفضل اصلا انك تتعامل مع لينكس مش ويندوز..
المهم انت عملت اول خطوة ثبتت توزيعة من توزيعات لينكس على جهازك  
تانى خطوة وهيا انك هتذاكر كورس واحد بس ووانت بتذاكر هتطبق ال بتتعلموا على جهازك 
 ووانت بتستعمل جهازك حاول على قد ماتقدر تستعمل ال 
Terminal اكتر من الواجهة الرسومية
مثلا هتحذف ملف او تنسخ ملف الخ الخ.. استعمل الترمنال..
طيب الكورس دا بفلوس؟
لا مش بفلوس هو فى بفلوس وفى مجانى واﻻتنين مش هيفرقوا عن بعض غير ف ان ال بفلوس بيبقى من شركات كبيرة ومعروفة وبشهادة معتمدة وكدا 

طيب الكورسات دى هتجبها منين ؟

فى مدونة روت زيرو مقال 

تعليم انظمة لينكس