افضل طريقة والبداية الصحيحة لتعليم لغة بايثون

افضل طريقة والبداية الصحيحة لتعليم لغة البايثون

مبدائياً انا هحاول على قد ما اقدر فى المقاله دى احط مصادر كويسه وممتازة لتعليم لغة بايثون هيحصل تعديل على المقال دا اذا وجدت مصادر جيدة اخرى لعليم اللغة
عشان ابقى ساعدت الجميع على تعلم اللغة بسهوله.

 بايثون هيا لغة برمجة ظهرت سنة 1991
وهيا لغة برمجة عالية المستوى يعنى سهل جدا جدا ان اى حد يتعلمها ولغة قوية جدا فى مجال الهاكنج  لو متعرفش معني كلمة هاكنج يبقى اقراء مقال ما هو الهكر

 

ولغة بايثون بتدعم انظمة ويندوز ولينكس وماك.

تقدر كمان ب لغة بايثون تبرمج honeypot
ومن مميزاتها انها حرة ومفتوحة المصدر
يعنى تقدر تاخد اى مشروع او اداة مبنية ب لغة بايثون
وتعدلها انت برحتك

لغة بايثون بتدعم كائنية التوجية (OOP) 

ودى لو انتم مبتدائين هتعرفوها وتتعلموها من الدورات ال هتلاقوها فى نفس المقال

وطبعا من اهم المميزات ال فى لغة بايثون

انها متعددة الاستخدام زى لغة Java

تقدر تطور بيها الويب بدل لغة php
 تقدر تطور واجهات تشغيل رسومية 
تحليل البيانات
واخيرا الهاكنج او السايبر سيكيورتى
ودا بسبب كثرة مكتبتها فى الشبكات والتعامل مع الويب

دى مجرد مقدمة بسيطة فيها معلومات عن لغة بايثون

نخش بقى على طريقة وشروحات وكتب تعليم بايثون



طبعا عشان محدش يفهم غلط مش مطلوب منك تدرس كل المصادر دى 

انت هتدرس من مصدر واحد .. وهوا المصدر ال هتفهم منه من بين المقالات دى .. واى شئ ناقص فى اى مصدره هتلاقيه موجود فى المصادر اﻻخرى ..

  تعليم لغة البرمجة بايثون باللغة العربية

اول حاجه انت لو حابب حد بيشرح ب اللهجة المصرية

ف دول ممتازين جدا وشرحهم واضح وبسيط

محمود احمد صاحب قناة egy coder على اليوتيوب  هتبتدى معاه بالترتيب دا

اساسيات تعلم لغة بايثون

اساسيات تعلم لغة بايثون الجزء الثانى

برمجة كائنية التوجية (OOP)

كدا انت معاك الاساسيات بتاعت اللغة .. تقدر تتصفح القناة وتدرس منها ال انت عاوزه ف لغة بايثون
فيها كورس لبناء واجهة رسومية للتطبيقات
وفيها كورس Django لتطوير مواقع اﻻنترنت

القناة التانية وهيا قناة

الصافى حجازى

الكورس دا فيه اساسيات وبرمجة كائنية التوجيه وشرح للمكتبات اﻻساسية فى البايثون
يعنى هيعلمك كل اﻻساسيات

تعليم اساسيات لغة بايثون

 كورس لتعليم بناء واجهات رسومية للتطبيقات ب لغة بايثون




قناة  محمد شوشان

ودا عامل 4 دورات
هتدرس فيهم من الصفر كل ال هتحتاجوا ف بايثون وزيادة كمان

دورات تعليم لغة بايثون من محمد شوشان
 
دول افضل قناتين انا اعرفهم لتعليم لغة البايثون وباللهجة المصرية وبصراحة هما ممتازين جدا

نخش بقى على القنوات التانية

قناة بغداد الجديدة

ودى دورة كويسه من القناة 
بتشمل اﻻساسيات والبرمجة كائنية التوجية

دورة تعلم اساسيات لغة بايثون كاملة

يوجد بالقناة 
كورس اخر لبرمجة الويب ب لغة بايثون 
ولاكن اكيد قبل ما هتدرسوا لازم تدرس اﻻساسيات والبرمجة كائنية التوجية جيداً

قناة احمد عز

وهوا كورس جيد لتعليم اساسيات اللغة والبرمجة الكائنية ايضاً

دورة تعليم اساسيات لغة بايثون

قناة محمد عيسى

ودا كورس كامل
اساسيات وبرمجة كائنية ومكتبات اساسية وشبكات وقواعد بيانات وتطوير واجهة رسومية للتطبيقات 

كورس شامل لتعليم لغة بايثون


 نخش على

تعليم لغة البرمجة بايثون باللغة اﻻنجليزيه

قناة thenewboston قناة رائعه جدا وفى الكورس دا بيشرح اﻻساسيات والبرمجة الكائنية
وبعض المكتبات المهمة تعليم لغة بايثون
والقناة فيها كذا كورس للغة بايثون
بعد ما تتعلموا اﻻساسيات تقدروا تتصفحوا القناة وتدرسوا ال هتحتاجوا منها
قناة DrapsTV من القنوات الرائعه والشرح البسيط للغة 

اساسيات لغة بايثون من قناة DrapsTV

قناة Clever Programmer

تعليم اساسيات لغة بايثون من قناة Clever Programmer

تعليم البرمجة الكائنية للغة بايثون من قناة Clever Programmer

ودى القنوات ال انا شايفها كويسه جدا واى دورة من القنوات دى  هتعلمك اﻻساسيات وهتعرفك تمشى ازاى فى طريقك

نخش على تطبيق للاندرويد 
ودا اعتبروة ك تدريب ليكم ف اﻻوقات ال بتضيع من يومنا .. مثلا وانتا فى المواصلات .. او الانترنت فصل عندك تطبيق
sololearn
تطبيق رائع فعلا ومن استخدامك له هتدرب على استعمال وفهم بايثون ب شكل اكبر

والتطبيق موجود على متجر جوجل (google play) ندخل بقى على الكتب للناس ال بتحب تقراء مبدائياً لو بتفهم انجلش وبتحب الشرح اﻻكاديمى ف لن تجد افضل من موقع البايثون  نفسه لشرح اللغة 

تعلم لغة بايثون بشكل اكاديمى من الموقع الرسمى لها

اما بخصوص الكتب العربية

كتاب خطوة على طريق البايثون

الكتاب كويس جدا للمبتدائين وشرحه بسيط مش معقد

وبيشرح اﻻساسيات والبرمجة الكائنية
وكمان حل المشكلات ب لغة بايثون ودا هيساعدك على انك تفهم اللغه كويس

كتاب فكر بايثون

الكتاب دا بيشرح بطريقة مختلفة وسلسة بحيث تفهمك اللغة وطريقة كتابة البرنامج بالشكل الصحيح اما بخصوص الكتب اﻻنجليزية

ف كتابين اراهم ممتازين جدا لتعليم لغة البايثون

كتاب

Head First Python

ودا كتاب جيد جيد لانه دائما تجد تدريبات به

و كتاب

Python Crash Course

اما الكتاب دا ف اكثر من رائع حيث يتحدث فى اكثر من موضوع

ويوجد بداخله 3 مشاريع 

مشروع تصميم موقع ب django
ومشروع لعبة حرب الفضاء
ومشروع لتحليل البيانات


وكدا ابقى اتكلمت عن افضل مصادر انا شايفها هتعلمك البرمجه بالبايثون من الصفر للأحتراف .